O que escoitamos
Queremos clases máis participativas e inclusivas onde todas as persoas poidan aprender
Queremos medrar nunha familia que nos coide e nos escoite
Promovemos procesos, encontros e dinámicas participativas nos que a infancia e a adolescencia poden tomar a palabra, reflexionar sobre os temas que lles afectan e formular propostas propias.
A participación non se limita a consultar: implica xerar condicións para que as súas voces sexan tidas en conta no traballo das entidades, nas accións da Plataforma e nos espazos de incidencia.
Redeir@s é o grupo de participación infantil e adolescente da POIG. Un espazo de encontro no que nenos, nenas e adolescentes poden compartir opinións, traballar os seus dereitos e facer chegar as súas propostas.
A través de encontros, actividades e procesos participativos, Redeir@s contribúe a incorporar a voz da infancia e da adolescencia no traballo da Plataforma.
As opinións, preocupacións e propostas recollidas nos procesos participativos axúdannos a coñecer mellor a realidade da infancia e da adolescencia en Galicia e a orientar o traballo da Plataforma
Ninguén debería ser tratado diferente por ser quen é, porque todas as persoas merecemos o mesmo respecto
— Infancia e adolescencia participante de Redeir@s
