Somos a rede de entidades sociais que traballa para que cada neno, nena e adolescente vexa cumpridos os seus dereitos.
Organizacións sociais unidas pola defensa dos dereitos da infancia
Nas catro provincias galegas con presenza, coordinación e impacto social
Un espazo común de colaboración, análise e incidencia política e social
Propostas para situar a os dereitos da infancia no centro das políticas públicas.
A voz de nenas, nenos e adolescentes no centro das decisións que lles afectan
A nosa actividade organízase arredor de liñas de traballo que combinan a coordinación entre entidades, a defensa dos dereitos da infancia e da adolescencia, a incidencia política e social e a participación infantil e adolescente
Trasladamos propostas, demandas e análises ás administracións públicas para contribuír á mellora das políticas de infancia e adolescencia en Galicia.
Promovemos espazos nos que nenas, nenos e adolescentes poidan expresar a súa opinión, facer propostas e participar nas cuestións que lles afectan.
Traballamos para avanzar cara contornas seguras, protectoras e libres de violencia, poñendo no centro o bo trato e os dereitos da infancia.
Impulsamos accións formativas, materiais e campañas para achegar os dereitos da infancia á sociedade, ás entidades e ás persoas profesionais.
Elaboramos informes, guías e materiais de apoio para mellorar a comprensión da realidade da infancia e da adolescencia en Galicia.
Impulsamos espazos de coordinación, encontro e colaboración entre as entidades membro para compartir coñecemento, detectar necesidades e construír propostas conxuntas en defensa dos dereitos da infancia e da adolescencia.
Consulta as últimas novas, actividades, campañas e posicionamentos da POIG e das entidades membro
Redeir@s é o espazo de participación infantil e adolescente da POIG. Nel, nenas, nenos e adolescentes galegos das entidades membro comparten ideas, propoñen iniciativas e contribúen a transformar a realidade desde a súa propia voz.
Unha rede de organizacións que traballan polos dereitos da infancia e adolescencia en Galicia
