Accede á versión oficial da Convención sobre os Dereitos do Neno e aos materiais adaptados por idades para traballar os dereitos da infancia dun xeito máis próximo, visual e comprensible
Material adaptado para achegar os dereitos da infancia ás idades máis pequenas, cunha linguaxe sinxela, visual e próxima.
Recurso adaptado para traballar a Convención con idades intermedias, facilitando a comprensión dos dereitos e a reflexión sobre a súa vida cotiá.
Material adaptado para afondar na Convención con adolescentes, promovendo unha lectura máis autónoma, crítica e participativa dos seus dereitos.
Documento oficial da Convención sobre os Dereitos do Neno para consulta, lectura e referencia en accións formativas, educativas ou institucionais.
Todos os nenos e nenas son importantes; eu tamén
Todos os nenos e nenas teñen dereito a un nome
Ninguén ten dereito a pegarme nin a rirse de min
Teño dereito a que me traten ben
Teño dereito a vivir sen medo
Teño dereito a recibir axuda cando estea malo
Teño dereito a aprender moitas cousas no colexio
Teño dereito a vivir ben
Teño dereito a xogar
Teño dereito a dicir o que penso
A familia é moi importante para o desenvolvemento, benestar e felicidade dos nenos e nenas. O Goberno debe poñer medios para asegurar que se respecten os seus dereitos
Todos os nenos e nenas teñen dereito a un nome e a unha nacionalidade. Todos son importantes en igual medida e non deben ser discriminados
As persoas que deciden sobre asuntos que afectan á infancia deben ter en conta os intereses do neno e da nena. Todos teñen dereito a expresar o que senten
Todos os nenos e nenas teñen dereito a asistir ao colexio, aprender e recibir coidados cando estean enfermos
Todos os nenos e nenas teñen dereito a unhas condicións dignas de vida
Os nenos e nenas que non estean coa súa familia, que teñan que abandonar o seu país ou que teñan unha discapacidade deben recibir protección, apoio e axuda especiais
As ideas e crenzas deben ser respectadas. Tamén teñen dereito a recibir información de diferentes medios e a manter a súa lingua, costumes e relixión
Todos os nenos e nenas teñen dereito a vivir nun medio ambiente saudable
Todos os nenos e nenas teñen dereito a que se respecte a súa intimidade. Ninguén pode ler as súas cartas ou escritos sen permiso
Todos teñen dereito a estar co seu pai e coa súa nai, e os pais e nais teñen as mesmas obrigas respecto dos seus fillos e fillas
Ningún neno ou nena debe ser maltratado, explotado ou abandonado. Se sofre maltrato, ten dereito a ser protexido e axudado
Todos os nenos e nenas teñen dereito a estar informados e a coñecer cales son os seus dereitos
A Convención vai dirixida a todos os rapaces e rapazas menores de 18 anos
Todos os rapaces e rapazas teñen os mesmos dereitos, sen discriminación por sexo, cor, idioma, nacionalidade, orixe, relixión, opinións, discapacidade ou calquera outra condición. Se son discriminados ou intimidados, teñen dereito a ser protexidos
Cando se tomen decisións que afecten a rapaces e rapazas, debe terse sempre en conta o seu interese superior
Os Estados deben adaptar as leis e tomar as medidas necesarias para garantir o cumprimento destes dereitos. Cando non teñan recursos suficientes, deben procurar apoio a través da cooperación internacional
Nai e pai teñen responsabilidades comúns na educación e desenvolvemento dos seus fillos e fillas. O Estado debe apoiar ás familias e garantir servizos e condicións que favorezan o benestar dos rapaces e rapazas
Todos os rapaces e rapazas teñen dereito á vida. O Estado debe facer todo o posible para asegurar o seu crecemento e desenvolvemento
Teñen dereito a ser inscritos ao nacer, recibir un nome, adquirir unha nacionalidade, coñecer os seus pais na medida do posible e conservar a súa identidade
Non deben ser separados dos seus pais salvo que sexa polo seu ben. Se viven separados, teñen dereito a manter contacto con eles cando sexa posible. Tamén deben ser protexidos fronte a traslados ou retencións ilícitas noutro país
Teñen dereito a expresar as súas opinións, a que sexan tidas en conta nos asuntos que lles afectan, a buscar e recibir información, e a ver respectadas as súas ideas, pensamentos e crenzas
Teñen dereito a crear asociacións, formar parte delas e celebrar reunións pacíficas, sempre que se respecten os dereitos doutras persoas
Ninguén debe atacar de maneira arbitraria a súa vida privada, familiar, fogar, correspondencia, honra ou reputación
Teñen dereito a acceder a información de calidade a través de libros, prensa, radio, televisión ou outros medios, tamén na súa lingua cando corresponda
Deben ser protexidos fronte ao maltrato, abandono, abuso, explotación laboral ou sexual, drogas, tráfico de menores, conflitos armados e calquera outra forma de explotación. Se sufriron dano, teñen dereito a recibir apoio para recuperarse e vivir con dignidade
Cando non poidan vivir coa súa familia ou precisen protección, deben recibir coidado alternativo adecuado. A adopción ou o acollemento deben realizarse sempre pensando no seu benestar
Os rapaces e rapazas que tiveron que abandonar o seu país, sós ou coa súa familia, teñen dereito a protección, axuda e acceso aos seus dereitos no país de acollida
Os rapaces e rapazas con discapacidade teñen dereito a vivir de forma autónoma, participar na sociedade e recibir os apoios, axudas e educación que precisen.
Teñen dereito ao maior nivel posible de saúde, atención sanitaria, alimentación adecuada, auga potable e protección fronte a riscos para a súa saúde.
Se están baixo coidado, protección ou tratamento por parte das autoridades, teñen dereito a que a súa situación sexa revisada periodicamente.
Teñen dereito á educación básica gratuíta, á orientación profesional e ao acceso á educación secundaria e superior en igualdade de oportunidades.
A educación debe axudarlles a desenvolver a súa personalidade, capacidades, respecto polos dereitos humanos, identidade cultural, igualdade, paz e respecto polo medio ambiente.
Os rapaces e rapazas pertencentes a minorías teñen dereito a manter a súa cultura, practicar a súa relixión e usar a súa lingua.
Teñen dereito ao descanso, ao xogo, ao tempo libre e a participar na vida cultural e artística
Se un rapaz ou rapaza comete unha infracción, debe ser tratado con dignidade, recibir garantías legais e contar con apoio para a súa reintegración social.
