A Plataforma de Organizacións de Infancia de Galicia reúne entidades comprometidas coa defensa, promoción e protección dos dereitos de nenos, nenas e adolescentes en Galicia.
Se a túa entidade traballa no ámbito da infancia e da adolescencia, podes solicitar información para formar parte da POIG e sumarte a un espazo común de incidencia, representación e colaboración.
Poden formar parte da POIG as entidades sen ánimo de lucro, legalmente constituídas, que desenvolvan a súa actividade en Galicia e cuxos obxectivos estean aliñados cos fins da Plataforma.
A incorporación está pensada para organizacións que compartan o compromiso coa Convención sobre os Dereitos do Neno e co traballo en rede para mellorar as políticas e actuacións dirixidas á infancia e á adolescencia.
Formar parte da POIG permite participar nun espazo colectivo de incidencia política, aprendizaxe e traballo en rede. As entidades membro poden contribuír á definición de propostas, participar nos grupos de traballo e sumar a súa experiencia á defensa dos dereitos da infancia en Galicia.
A Plataforma é un lugar de encontro entre organizacións diversas que comparten unha mesma finalidade: que todas os nenas, nenos e adolescentes vexan garantidos os seus dereitos.
O proceso de incorporación comeza coa solicitude de información por parte da entidade interesada. A partir dese primeiro contacto, a POIG facilita a información necesaria sobre os requisitos, a documentación que debe achegarse e os pasos para valorar a incorporación.
A entidade interesada contacta coa POIG para solicitar información sobre o proceso de incorporación e resolver as primeiras dúbidas.
A entidade facilita a documentación que se lle solicite para formalizar a valoración da súa posible incorporación á Plataforma.
Valórase se os obxectivos, valores e actividade da entidade están aliñados coa defensa e promoción dos dereitos da infancia.
A organización comparte información sobre a súa traxectoria, ámbito de actuación e traballo relacionado coa infancia e a adolescencia.
A POIG revisa a solicitude segundo os seus procedementos internos e comunica á entidade os seguintes pasos.
