O Instituto Galego de Xestión para o Terceiro Sector –IGAXES-, busca voluntarios/as para unirse ao Proxecto «Referentes».

Como explica IGAXES desde o seu proxecto, todas as persoas temos referentes, alguén que nos escoitou, que nos guiou en momentos importantes da nosa vida. Alguén que nos acompañou en situacións difíciles e que nos alentou a ser quen hoxe somos.

É habitual que esa persoa referente sexa algún membro da nosa familia. Pero, para moitas mozas e mozos tutelados, esa figura familiar non existe.

Desde IGAXES, buscan voluntarios/as para A Coruña, Lugo, Ourense, Pontevedra, Santiago de Compostela e Vigo, que desexen axudar a un mozo ou moza ser apoio familiar, para ser un punto de apoio no salto á vida adulta e lles permita realizar ese salto con seguridade e confianza.

“Elena xa é como unha irmá para min”

Ameth é un dos mozos que atopou axuda no proxecto.

«Tivo que deixar atrás os seus seres queridos sendo aínda un neno. Cando chegou a Lugo estaba só, non coñecía a ninguén na cidade. Ata que encontrou a Elena».

Podes ler a historia de Ameth e Elena premendo aquí ou ver o seu vídeo.

Se queres ser un voluntario ou unha voluntaria no que os mozos e mozas poidan confiar dentro do Proxecto «Referentes», #FaiteReferente aquí.