Xunta de Galicia. Secretaría Xeral de Igualdade

Decembro 2019

O obxectivo dos materiais (libro, caderno e unidade didáctica) realizados pola Xunta é a de introducir a igualdade entre mulleres e homes desde a infancia a través duns personaxes que coñecen ben nenas e nenos e dun recurso esencial para estas idades: a lectura dun conto dos Bolechas que pode ler unha persoa adulta ou a propia nena ou neno.

Esta Unidade Didáctica está pensada para traballar na aula a coeducación, a educación en igualdade desde as primeiras etapas educativas, como son infantil e primaria, de forma que a igualdade e a prevención da violencia de xénero estean presentes desde os primeiros anos e sexan interiorizadas como parte da aprendizaxe vital do alumnado.