España, á cola da Unión Europea en pobreza infantil e exclusión social
A Comisión Europea publicou este mércores un informe alarmante sobre a situación social en Europa, situando a España como un dos países máis rezagados en indicadores críticos como a pobreza infantil, a exclusión social e o abandono escolar. Estes datos reflicten unha situación «crítica» que require accións urxentes.
Indicadores preocupantes
O informe da Comisión baseábase nun sistema de semáforo para avaliar 17 indicadores sociais. España acumula catro indicadores vermellos (“críticos”), dous laranxas (“que necesitan vixilancia”) e catro amarelos (“débiles”). Entre os máis preocupantes atópanse:
- Risco de pobreza e exclusión social: Afecta ao 26,5% da poboación xeral e ao 34,5% da poboación infantil, fronte á media da UE do 21,3% e 24,8%, respectivamente.
- Abandono escolar: Incrementouse ata o 13,7% en 2023, moi por riba do 9,5% da media europea.
- Impacto das prestacións sociais: Estas só reducen a pobreza nun 22,9%, fronte ao 34,7% da media comunitaria.
Unha «situación crítica»
Bruselas sinala que España enfronta retos vinculados ás desigualdades rexionais, a falta de cobertura do sistema de protección social e a persistente pobreza no traballo. Ademais, a eficacia das axudas sociais na redución da pobreza infantil é escasa, cun impacto do 17%, moi afastado do 41,4% da UE.
O reto de avanzar
Con catro indicadores «críticos» e seis «en vixilancia», España está entre os países que serán sometidos a unha segunda fase de avaliación por parte da Comisión Europea, xunto con outros como Rumanía, Hungría e Grecia. Este «segundo test» permitirá analizar en profundidade as débiles políticas sociais do país.
Desde a Plataforma de Organizacións de Infancia de Galicia destacamos a importancia de situar os dereitos da infancia e adolescencia no centro das políticas públicas. Combatir a pobreza infantil e a exclusión social non é só unha cuestión de xustiza social, senón unha necesidade para garantir un futuro.
