No Espazo Xove de Ourense e na sala de plenos do Concello de Vilardevós, a rapazada reuníuse no marco dos actos descentralizados promovidos pola Plataforma de Organizacións de Infancia de Galicia (POIG) co motivo do Día Universal dos Dereitos da Infancia. Representantes de diversas entidades reuníronse para dar voz ás súas inquedanzas e demandas.

💬 Que reivindicaron?

• Máis recursos en saúde mental.
• Medidas contra o acoso escolar.
• A garantía dun entorno libre de violencia e discriminación.
• Máis oportunidades para disfrutar do tempo libre.
• Máis parques infantís e espazos de convivencia

📜 Durante o acto, presentouse un manifesto elaborado polos grupos infantís e adolescentes da Plataforma. O obxectivo? Que as súas ideas sexan escoitadas e teñan impacto nas políticas públicas que lles afectan directamente.

🙏 Grazas ás organizacións participantes, como o CDR Portas Abertas, Amencer, Fundación Juan Soñador, Fundación Meniños, Secretariado Xitano, Aventeira e ASDE Scouts de Galicia por darlles o espazo para expresar os seus dereitos e soños.

Este é só un paso máis no camiño de visibilizar a importancia de poñer a infancia e adolescencia no centro das decisións. Isto vai de dereitos! 💙