Con motivo da conmemoración do Día Universal dos Dereitos da Infancia, a Plataforma de Organizacións de Infancia de Galicia mediante a Xunta de Galicia, apoia o proceso participativo levado a cabo desde a Plataforma de Infancia estatal e subvencionado polo Ministerio de Asuntos Sociais e Axenda 2030 para nenos, nenas e adolescentes coa finalidade de formación, toma de conciencia e divulgación dos seus dereitos recollidos na Convención sobre os Dereitos do Neno.

Como pasados anos e este baixo o lema «PARTICIPAMOS! É O NOSO DEREITO» as actividades divídense por grupos de idade: 6-8, 9-12 e 13-17.

Os grupos de participantes poden ser de entidades que traballan con infancia, centros educativos, concellos ou bibliotecas. Cada grupo pode elixir realizar a totalidade das actividades ou as que máis se adapten as características dos grupos.

Con posterioridade á realización das actividades, cada grupo debe reenviar as conclusión que se acaden, as cales serán achegadas aos responsables das políticas de infancia estatais e de Galicia en diversas conmemoracións que terán lugar na semana do 20 de novembro. En Galicia as conmemoracións serán realizadas en coordinación coa Xunta de Galicia; a nivel estatal en coordinación co Ministerio de Asuntos Sociais e Axenda 2030.

Adicionalmente, serán recollidas en sistematizacións a nivel estatal e de Galicia que serán enviadas ás autoridades de infancia e grupos de participantes, ademais de facer fincapé nas RRSS da plataforma e de Redeiros, para darlle visibilidade ás demandas dos máis pequenos e pequenas.

Para participar nas actividades, só tedes que inscribirvos antes do 15 setembro. As conclusións acadadas coas actividades serán recepcionadas pola Plataforma de Infancia ata ese mesmo día. 

Ligazóns a ter en conta: 

• Índice resumo das actividades.
• Toda a información e acceso ás actividades a desenvolver divididas por grupos de idade. 
• Inscrición ao proceso participativo.

O Grupo de Participación Infantil e Adolescente da Plataforma de Organizacións de Infancia de Galicia, súmase a esta campaña e á realización destas actividades para darlle visibilidade aos dereitos de todos os colectivos que se atopan representados no mesmo.

 Desde Redeiros seguimos en favor da promoción da participación dos dereitos da infancia, como dereito suxeitivo da infancia en adolescencia recollido no artigo 12 da Convención sobre os Dereitos do Neno das Nacións Unidas: «Os Estados Partes garantirán ao neno que estea en condicións de formar un xuízo propio o dereito de expresar a súa opinión libremente en todos os asuntos que afectan ao neno, e terán en conta as opinións do neno en función da súa idade e madurez».

#infanciagalicia #Díadainfancia2022

Máis info: participacion@infanciagalicia.org