Con motivo da conmemoración do Día Universal dos Dereitos da Infancia, a Plataforma de Organizacións de Infancia de Galicia, en coordinación coa Plataforma de Infancia estatal e financiado pola Consellería de Política Social da Xunta de Galicia, lanza o proxecto «Dereitos da infancia: aprenden e participan nos seus dereitos».

Trátase dunha convocatoria de actividades para que nenos, nenas e adolescentes de entre 6 e 17 anos coñezan e fagan seguimento dos seus dereitos, recollidos na Convención sobre os Dereitos do Neno. 

Este ano quérese facer unha revisión deaqueles dereitos da infancia nos que máis queda por facer. Foron os mesmos nenos, nenas e adolescentes quen seleccionaron aquelas materias que a administración ten como pendente mellorar:

• educación
• violencia contra os nenos/as
• participación infantil
• saúde e benestar
• todas somos iguais
• educación 

O proxecto lánzase a todos os centros educativos, concellos, bibliotecas e entidades que traballan coa infancia e adolescencia en Galicia que queiran mellorar a participación infantil nos seus grupos. 

Adicionalmente, as conclusións que se acaden co proceso participativo serán achegadas aos responsables das políticas de infancia de Galicia en diversas conmemoracións que terán lugar o 20 de novembro en coordinación coa Xunta de Galicia.

Este ano ten a novidade de que os grupos de participantes teñen a posibilidade de elaborar propostas sobre as temáticas elixidas.

As cuestións enviadas polos nenos e nenas axudarán á preparación do exame que o Comité sobre os Dereitos do Neno das Nacións Unidas fará a España, mediante o cal realízase a análise sobre o cumprimento dos dereitos da infancia no noso país. 

A data final para inscribirse e participar nas actividades é o 30 de xuño.

Para inscricións ou máis información sobre o proceso: www.diadelainfancia.es