A Plataforma de Organizacións de Infancia de Galicia presenta un decálogo de propostas políticas para avanzar nos dereitos de miles de nenos, nenas e adolescentes nesta comunidade autónoma
Con motivo da conmemoración no día de hoxe (15 de maio) do Día Internacional das Familias, a Plataforma de Organizacións de Infancia de Galicia presenta un decálogo de propostas políticas para avanzar nos dereitos de miles de nenos, nenas e adolescentes e as súas familias nesta comunidade autónoma.
Segundo datos da Plataforma de Infancia, o 24,9 % da infancia menor de 18 anos en Galicia vive en risco de pobreza e/ou exclusión social. Esto supón que 93.000 nenos, nenas e adolescentes na comunidade autónoma están nesta situación. Por outra banda, o Observatorio Galego da Familia e da Infancia (OGFI) non está a cumplir os obxectivos previstos no mesmo cando se configurou.
Nesta contorna, Galicia é a única comunidade autónoma que non ten unha lei específica de infancia. En palabras de Mónica Viqueira, presidenta de la Plataforma de Organizacións de Infancia de Galicia, “é necesario ampliar a lexislación existente para mellorar o marco normativo sobre protección da infancia na comunidade a través dun consenso e participación de todos os sectores”.
“É necesario ampliar a lexislación existente para mellorar o marco normativo sobre protección da infancia na comunidade a través dun consenso e participación de todos os sectores”
Inés Salteiro, directora da Plataforma de Organizacións de Infancia de Galicia, pone o foco na necesidade de modificar a Lei de Inclusión Social de Galicia “para ampliar o seu alcance a un maior número de familias vulnerables asegurando tanto a simplificación burocrática na súa tramitación como unha axeitada complementariedade entre a Renta de Inclusión Social de Galicia (RISGA) e o Ingreso Mínimo Vital (IMV)”.
Adicionalmente, harmonizar a lexislación galega coa Lei Orgánica de Protección Integral á Infancia e á Adolescencia Fronte á Violencia (LOPIVI), abordar o problema do abandono esolar temperá, reducir e previr o fracaso e o abandono escolar, aportar recursos especializados para o desenvolvemento do Plan de Saúde Mental e o Sistema de Saúde infantil-xuvenil, e eliminar as carencias e incoherencias existentes no sistema de protección da infancia vulnerable son outras das medidas que a organización vai trasladar aos representantes políticas para ser implementadas durante a lexislatura.
DECÁLOGO DE PROPOSTAS DE INCIDENCIA POLÍTICA 2024
- Elaboración e aprobación dunha Lei de Infancia específica en Galicia.
- Garantir a través de plans operativos específicos de Garantía Infantil que Galicia destine un mínimo do 5% dos recursos do Fondo Social Europeo do novo marco plurianual 2021-27 á redución da pobreza infantil.
- Modificar a Lei de Inclusión Social de Galicia para ampliar o seu alcance a un maior número de familias vulnerables.
- Proceder cos cambios precisos para harmonizar a lexislación galega coa LOPIVI e dotar de recursos as distintas administracións para que poidan implementar de maneira efectiva o mandato desta.
- Reforzar políticas educativas con enfoque de equidade que axuden a reducir e a previr o fracaso e o abandono escolar.
- Reforma do Sistema de Saúde infanto-xuvenil, especialmente no que se refire a maior prestación de especialistas en pediatría e saúde mental.
- Avaliación do sistema de protección para eliminar as carencias e incoherencias existentes.
- Elaborar un plan de calidade guiado por criterios profesionais, que facilite un despregamento ordenado e con medios suficientes de todos os servizos da Rede Galega de Atención Temperá.
- Garantir conexión a internet de banda ancha, o acceso a novas tecnoloxías ao 100% dos fogares.
- Garantir e impulsar a participación dos nenos, nenas e adolescentes en todas aquelas decisións que lles afecten.
