A Plataforma de Organizacións de Infancia de Galicia (POIG) co apoio da Fundación La Caixa, organiza unhas xornadas de formación para persoal técnico de entidades do sistema de protección da infancia e adolescencia.
A xornada formativa será de 4 horas de duración e terá lugar nas cidades de Coruña, Lugo, Ourense, Vigo e Santiago de Compostela ao longo dos meses de febreiro e marzo.
As formacións xiran en torno ao papel do referente adulto como clave fundamental para previr e fomentar respostas alternativas á relación violenta nas entidades de infancia e adolescencia dos centros de acollemento residencial, no eido do acollemento familiar e nos programas sociais que traballan con estos nenos e nanas.
Ademais, tratan de achegar a base teórica que lles axude a comprender o ciclo da resposta violenta nos mozos e mozas e en neles/as mesmos/as. Para iso, propoñeranse actividades de autoexploración e traballo que permitan avanzar e perfeccionar a proposta relacional.
Obxectivos:
- Establecer as habilidades necesarias do persoal técnico de entidades sociais para crear espazos libres de violencia para nenos, nenas e adolescentes vinculados ao sistema de protección.
- Contribuír a crear espazos seguros e libres de violencia nas entidades do sistema de protección que traballan e conviven con nenas, nenos e adolescentes máis vulnerables.
Contidos:
- A natureza da resposta violenta nos seres humanos.
- O papel da neglixencia, malos tratos e o trauma temperán na hiperactivación do sistema defensivo.
- Técnicas relacionales claves para a xeración de seguridade.
- Adestramento en autorregulación desde o autoconocimiento do adulto.
Metodoloxía:
Os encontros formativos atenden a tres eixos:
- Saber: Trátase de achegar base teórica. Propiciar o achegamento aos paradigmas esenciais. Actualización teórica acerca das áreas relacionadas cos cursos. Guía para a autoformación e auto-actualización continua.
- Ser: Traballo sobre a autoconocimiento e autocuidado persoal e do equipo de traballo e formativo.
- Saber e facer: Achegar momentos e técnicas de adestramento para a práctica de cada participante.
Datas, lugares de realización:
- 15 febrero (9:30-13:30 hs.) SANTIAGO DE COMPOSTELA – Sede da POIG: Rúa Belvís 2 (Santiago de Compostela)
- 14 marzo (9:30-13:30 hs.) CORUÑA – Colexio Salesiano: Rúa Don Bosco 1 (Coruña)
- 18 abril (9:30-13:30 hs.) OURENSE – Colexio Salesiano: Plaza Don Bosco 1 (Ourense)
- 16 mayo (9:30-13:30 hs.) VIGO – Centro O Seixo: Rúa Ramón Nieto 63 (Vigo)
- 6 junio (9:30-13:30 hs.) LUGO – Fundación Dignidade: Rúa Alcalde Ramiro Rueda 10, baixo (Lugo).
O número máximo de persoas asistentes é de 20 en cada formación.
Inscricións: https://forms.office.com/e/Xwmr5FxEzH
Máis info:
- Chamada ou whatsapp: 747491242
- Email: secretariatecnica@infanciagalicia.org
Sobre a Plataforma de Organizacións de Infancia de Galicia
A Plataforma de Organizacións de Infancia de Galicia (POIG) é unha entidade que aglutina a 37 entidades co obxectivo principal da protección e promoción dos Dereitos da Infancia recollidos na Convención sobre os Dereitos do Neno das Nacións Unidas do 20 de novembro de 1989.