Novecentas persoas poideron visitar en Vigo, no IES Castelao, a exposición “Salimos”, unha invitación a  reflexión sobre a festa sen alcol, con alcol e pasadas de alcol. O IES Castelao é o primeiro centro educativo galego que traballa sobre esta exposición de Aclad Alborada.

Durante quince días, estudantado, familias e profesorado tiveron a oportunidade de visitar os paneis da Exposición «Salimos» que convidan a unha reflexión sobre as noites sen, con e pasadas de alcol.

“Salimos” é unha iniciativa de «PDS, Asociación para la Promoción y  Desarrollo Social» de Barcelona e coa que Aclad Alborada colabora, tanto na elaboración como na difusión das campañas sobre hábitos saudables.

Ademais dos 10 paneis que forman a exposición, «Salimos» se acompaña dunha guía de orientación para levar a cabo actividades educativas sobre o  seu contido. Marco Veiga Álvarez, por parte da Dirección do IES Castelao eo equipo de titoría de 3º e 4º da ESO, mostraron interese en que o alumnado tomara conciencia sobre esta temática traballando sobre algunhas desas actividades co estudantado.

Segundo a percepción do profesorado, a acollida por parte do estudantado foi boa, xa que ademais trátase de paneis cun deseño atractivo visualmente e de contidos claros e concisos. Os mais comentados foron os relacionados coa conducción e coas relacións sociais.

“Salimos” creou un clima de confianza onde debater sobre a  opción de rexeitar o consumo de alcol, sobre modificar hábitos, ou incluso no alumnado de máis idade, foi unha oportunidade para falar de malas experiencias de persoas achegadas.

A exposición pode solicitarse a Aclad Alborada sen custo algún. Poden
solicitala centros educativos ou asociacións onde se teña contacto coa 
mocidade.