TÉCNICO/A DE COMUNICACIÓN (descargar pdf)

Dende a Plataforma de Organizacións de Infancia de Galicia (POIG) buscamos unha persoa técnica de comunicación a media xornada (20 horas semanais) para a súa sede, con dotes para a redacción, coordinación cos medios de comunicación, facilidade de xestión de páxinas web e RRSS, e sensibilidade coas necesidades da infancia e adolescencia máis vulnerable.

En dependencia da Dirección da Secretaría Técnica da entidade a persoa contratada realizará as seguintes funcións de comunicación coa finalidade de mellorar o coñecemento dos dereitos da infancia e adolescencia galega.

DESCRIPCIÓN XERAL DAS TAREFAS A REALIZAR

A persoa Técnica de Comunicación e Sensibilización será responsable das seguintes funcións:

  1. Comunicación externa e interna:
    1. Elaboración e seguimento á estratexia de comunicación da entidade.
    2. Deseño, preparación e divulgación de contidos e material gráfico para campañas de sensibilización realizadas pola entidade.
    3. Apoiar á divulgación de campañas da Plataforma de Infancia e entidades membro.
    4. Apoiar na recompilación de información e na elaboración de informes en coordinación coas entidades membro sobre temáticas relacionadas cos dereitos da infancia e adolescencia galega.
    5. Elaboración de boletíns mensuais de novas sobre a infancia e adolescencia (Mailrelay, etc.)
    6. Colaboración na organización, elaboración de guións e materiais de difusión para xornadas e eventos.
    7. Tradución ao galego de guías ou informes procedentes da Plataforma de Infancia.
    8. Mantemento dun fluído intercambio de información coas entidades membro que traballan en rede.
    9. Actualización e dinamización do Grupo de Traballo de Comunicación da entidade.
  2. Actualización das páxinas web e RRSS:
    1. Xestión e seguimento diario das RRSS da entidade (Twitter, Instagram, Facebook, Linkedin, Youtube).
    2. Actualización, creación e xestión de contidos para as páxinas web da entidade (WordPress).
  3. Contacto cos medios de comunicación
    1. Elaboración e envío de Notas de Prensa aos diferentes medios de comunicación.
    2. Seguimento e reporte de resultados da comunicación cos medios de comunicación.
  4. Calquera outra acción que precise a entidade acorde aos seus obxectivos.

REQUISITOS

  • Titulación en xornalismo e/ou comunicación.
  • Coñecemento do Terceiro Sector de Acción Social e dos recursos existentes.
  • Coñecemento e manexo elevado de RRSS, ofimática e ferramentas de deseño gráfico.
  • Imprescindible boas habilidades de comunicación oral e escrita en galego e castelán.
  • Flexibilidade para apoiar noutras actividades e tarefas da entidade relacionadas con procesos de incidencia política, voluntariado e actividades de participación infantil co Grupo de Participación Infantil e Adolescente da entidade.
  • Valorarase experiencia en voluntariado e no traballo con infancia e adolescencia.

COMPETENCIAS

  • Empatía e capacidade de adaptación ás novas demandas.
  • Alta capacidade de organización para dar resposta a prazos axustados.
  • Resolución de problemas, dinamismo e pro-actividade na entidade.
  • Orientación para o traballo en equipo.
  • Flexibilidade para apoiar noutros procesos que solicite a entidade en función dos seus obxectivos.

PROPOSTA DE DATAS DE INCORPORACIÓN E FINALIZACIÓN

Desde o 15 de abril ata o 31 de decembro, con posibilidade de continuar (segundo financiamento da entidade).

LUGAR DE TRABALLO

Híbrido – Santiago de Compostela

ENVÍO DE PROPOSTAS

Email: comunicacion@infanciagalicia.org

Asunto: Selección técnico/a comunicación + nome e apelidos

No email adxuntar CV e carta de motivación.

As persoas candidatas elixidas pasarán á seguinte fase de proba técnica.