SCOUTS de Galicia: unha educación complementaria e necesaria

24 febrero, 2021
By POIG
28 Comments
1212 Views

ASDE – Scouts de Galicia, a entidade en defensa dos valores da educación, entretemento e respecto polo medio ambiente, apoia a educación complementaria da infancia.

Dende os 9 grupos de Scouts espallados por Galicia -Ferrol, A Coruña, Santiago de Compostela, Lugo, Ourense, Vigo e Ponteareas- búscase a formación de persoas libres, críticas, comprometidas, con valores…

Por iso mesmo, dende a filosofía de Scouts se desenvolve un método educativo non formal único. A fin deste método é contribuír á educación e ao desenvolvemento das persoas, principalmente durante a infancia. Buscan que as persoas medren con autonomía e liderado, para contribuír a crear un mundo máis xusto, equitativo e feliz.

Método educativo

O método educativo scout ten un estilo propio baseado nos principios expresados na Lei e Promesa Scout (orixinal do fundador Baden-Powell):

  • Un Sistema adaptado a cada etapa educativa.
  • A educación pola acción, aprender facendo.
  • A vida en pequenos grupos autoxestionados.
  • Programas progesivos baseado no interese do educado.

Ademais, este modelo posibilita unha educación non formal complementaria coa familia e coa escola, así como o desenvolvemento integral do scout. Isto permite ao educado facerse valer por si mesmo.

Por iso, Scouts de Galicia, cos seus máis de 100 anos de educación en liberdade, conformouse como unha das asociación punteiras en aprendizaxe infantil e xuvenil. Que avoga pola ensinanza da independencia individual, pero sempre ligado aos valores cívicos e á cooperación.

O luns 22 de febreiro de 2021, en celebración do día da fundación do movemento scout, a ASDE Scouts de España reivindicaba o dereito ao lecer e tempo libre educativos en tempos de pandemia. Explicámolo na seguinte noticia: Scouts de España reivindica o dereito ao lecer e o tempo libre educativo no día da fundación do movemento scout

Tags:

28 replies added

Comments are closed.