O programa Convive.comigo busca persoas para para o cumprimento de medidas xudiciais de adolescentes mediante a convivencia no contexto dunha familia.

A Lei 5/2000 que regula a responsabilidade penal dos menores (a chamada “Lei do menor”) contempla unha serie de medidas xudiciais que as xuíces eos xuíces dos Xulgados de Menores de toda España poden utilizar en función do delito e a súa gravidade. Unha das medidas xudiciais que se pode impoñe é a da «Convivencia con outra persoa, familia ou grupo educativo», apunta Xulio Barreiro, traballador social e director de Arela, entidade que lidera o proxecto Convive.comigo.

A persoa sometida a esta medida debe convivir, durante o período establecido polo xuíz, con outra persoa, cunha familia distinta á propia ou cun grupo educativo, debidamente seleccionados para guiarlle no seu proceso de socialización .

O programa Convive.comigo ten como obxectivo crear un banco de persoas para poder convivir con adolescentes que teñen a obriga de cumprir unha medida xudicial moi específica. Se o sistema de protección da nosa infancia é un gran descoñecido para a Sociedade, máis aínda se é posible, o é a realidade dos menores que cumpren algunha medida derivada da xustiza penal xuvenil.

Entre estos adolescentes hai un perfil que presenta problemas de conduta porque medraron en ambientes que non conseguiron xestionar hábitos de convivencia adecuados e ás veces, establecéronse comportamentos violentos que dan lugar a denuncias de pais, nais ou titores legais. O reto é xerar hábitos de convivencia saudables para que ao regresar ao seu ambiente familiar sexan capaces de provocar cambios cara a un bo trato e unha convivencia sa e positiva.

Convive.comigo

No ano 2017, a Xunta de Galicia encarga a Arela que diseñe un programa de cara a facilitar a convivencia con persoas, familias e grupos educativos como un recurso máis á hora de facilitar o cumprimento de medidas xudiciais que poden levarse a cabo nun contexto familiar.

Convive.comigo é un programa que permite traballar comportamentos incorrectos nun ambiente natural como a familia. Os profesionais de Arela e as familias voluntarias únense para traballar da man e corrixir os malos hábitos que levaron a estos adolescentes a cometer delitos castigados pola Xustiza.

Convive.comigo é un programa que forma parte do campo da xustiza penal de menores. Precisa persoas e familias para que o xulgado de menores poida propor sentenzas nun contexto familiar.

Contra o conflito, o afecto

O peso da intervención está na convivencia eo programa necesita muchas familias para formarlas e que acerquen esta intervención a distintas realidades xeográficas en Galicia (nestes momentos Convive.comingo é un programa centrado nas provincias de A Coruña e Pontevedra.

Os requisitos para participar son: ser maior de idade, estabilidade emocional, compromiso para o traballo en equipo, alto grado de disponibilidade… Arela ofrece formación, asesoramento, acompañamento profesional e financiación durante os meses de convivencia co adolescente.

+ información Convive.comingo – 986 212 537