O 16 de xuño do ano 2000 tiña lugar en Madrid a presentación do Libro Branco, un fito na historia da atención á infancia no noso país.

Nel definíase a Atención Temperá como «o conxunto de actuacións dirixidas á poboación infantil de 0 a 6 anos, á familia e a contorna, que ten por obxecto dar resposta, de forma o máis inmediata posible, ás necesidades que presentan os nenos e nenas con alteracións no desenvolvemento ou con risco de padecelas, e/ou ás súas familias”.

Esta definición presidiu a normativa que no últimos vinte anos guiou o despregamento, en toda España, dunha extensa Rede de servizos e recursos, primeiro para os nenos con discapacidades e despois para toda a primeira infancia que se atopa en situacións vulnerables.

A Rede de Atención Temperá conta na actualidade con máis de 700 Centros de Desenvolvemento Infantil e Atención Temperá e máis de 4.500 profesionais, pero é aínda insuficiente, non chega a todos os que o necesitan, ou chega de forma precaria. Existen listas de espera e zonas sen cobertura. AÍNDA O LUGAR DE NACEMENTO É UN FACTOR DE DESIGUALDADE.

A Atención Temperá debería incluír a todos os nenos e nenas de 0 a 6 anos que presentan problemas e preocupacións evolutivas nalgún momento do seu desenvolvemento, o que representa un 10% da poboación infantil desa franxa de idade (supoñería atender en España a 255.227 nenos e nenas). Na actualidade hai CCAA onde se atende a menos do 1% e noutras xa se alcanzou o 10%.

Por iso, é preciso avanzar nun financiamento suficiente e nunha REGULACIÓN BÁSICA COMÚN. E poñer as bases para un sistema público que, a través dun PROGRAMA INTERDEPARTAMENTAL (servizos sociais, sanidade, educación) coide o desenvolvemento persoal de todos os nenos desde o seu nacemento, coa súa familia e contorna, e optimice todos os recursos humanos e materiais.

FAN FALTA MEDIOS, FAI FALTA INVESTIMENTO E FAN FALTA CENTROS DE ATENCIÓN TEMPERÁ CON EQUIPOS DE PROFESIONAIS MOI CUALIFICADOS PARA ATENDER UNHA ETAPA CRÍTICA DA VIDA.

A ATENCIÓN TEMPERÁ É O INVESTIMENTO MÁIS RENDIBLE EN TERMOS DE RETORNO PERSOAL, DE SAÚDE, DE INCLUSIÓN SOCIAL, DE MELLORA EDUCATIVA E OPORTUNIDADE LABORAL. O DIÑEIRO INVESTIDO EN ATENCIÓN TEMPERÁ MULTIPLÍCASE.

A Federación Española de Asociacións de Profesionais da Atención Temperá é consciente dos enormes cambios que aconteceron no itinerario de 0 a 6 anos e da necesidade de poñer as bases para implementar un sistema público universal de coidados no desenvolvemento no que XUNTO Aos CENTROS DE DESENVOLVEMENTO INFANTIL E ATENCIÓN TEMPERÁ ocupan un lugar fundamental os servizos sanitarios, os servizos educativos e os servizos sociais, numerosas entidades e as administracións públicas.

A todos convocamos para afrontar o reto que nos leve a ser UN PAÍS DE VANGARDA no coidado da saúde, a educación e o benestar de todos os nosos nenos e nenas.

A todos damos as grazas pola súa achega ao desenvolvemento da ATENCIÓN TEMPERÁ.

Durante esta pandemia aprendemos que unha sociedade é mellor cando coida dos seus membros máis vulnerables e volvemos a nosa mirada, con total xustiza, cara aos nosos maiores, os nosos avós e avoas; e polo mesmo motivo debemos coidar aos nosos nenos e nenas, e con especial mimo aos que precisan de Atención Temperá.

Hoxe é un día de reivindicación, pero sobre todo de celebración. Nenos e nenas, familias, profesionais, entidades, administracións… todos unidos pola Atención Temperá.

# AhoraMásTemprana