Benvida ao noso Programa de Voluntariado!
A Plataforma de Organizacións de Infancia de Galicia (POIG) está buscando persoas comprometidas e apaixonadas que desexen formar parte do noso programa de voluntariado. O obxectivo principal é promover os dereitos da infancia e adolescencia en Galicia, ofrecendo oportunidades de participación activa e empoderamento para a infancia e xuventude da nosa comunidade, e para iso precisamos a vosa axuda!
Por que?
Trátase dun proxecto innovador xa que non existe na comunidade outro centrado no traballo con nenos, nenas, mozos e mozas mediante accións de promoción dos dereitos, a través da participación infantil e adolescente. O concepto de participación infantil e adolescente é relativamente recente, e para o cal, precísase dun programa que traballe esta tipoloxía de accións, de forma que os máis novos se sintan acompañados en todo momento polo persoal voluntario, tendo como obxectivo apoiar na solicitude de propostas innovadoras.
Como podes participar?
O programa de voluntariado está deseñado para proporcionar unha experiencia enriquecedora tanto para os voluntarios e voluntarias como para os rapaces e rapazas cos que traballamos.
Se queres facer voluntariado na POIG temos diferentes equipos de traballo nos que te poderías integrar dirixidos a:
O traballo voluntario non só beneficia aos nosos nenos e adolescentes, senón tamén á sociedade en xeral. Cada pequena acción conta e xuntos podemos facer unha diferenza significativa.
Criterios para a selección do persoal voluntario
Ser maior de idade.
Imprescindible a entrega do certificado de non ter antecedentes penais ou sexuais.
Para as actividades con infancia e adolescencia, valórase positivamente, que teñan coñecementos ou experiencia no traballo con nenos, nenas e adolescentes.
Para as actividades de sensibilización e comunicación, é favorable ter coñecementos ou experiencia en campañas de comunicación social.
Que asinen o acordo de incorporación como persoa voluntaria.
Talleres e formación
Aquí podes ver algunhas das nosas propostas de voluntariado para que te animes a participar:
Queres formar parte do noso equipo de voluntariado?
Se te animas a participar, déixanos os teus datos e poñerémonos en contacto contigo. E se tes calquera dúbida, contacta connosco en voluntariado@infanciagalicia.org
