No último ano, o risco de pobreza e exclusión social da infancia en Galicia aumentou 7,5 puntos situándose nun 33,5% os menores de 18 anos.

Coincidindo co inicio do curso escolar, a ONG Educo alerta de que a mochila das nenas e nenos de Galicia está cada vez máis baleira e de que é urxente reverter esta situación e enchela con investimento.

No último ano, o risco de pobreza ou exclusión social da infancia en Galicia aumentou 7,5 puntos, situándose no 33,5% dos menores de 18 anos.

Uns 127.355 nenas e nenos viven en fogares por debaixo do umbral da pobreza, en situación de carencia material -o que inclúe aspectos como dificultades para afrontar imprevistos ou pagar suministros básicos- e/ou fogares sen emprego ou con baixa intensidade laboral

“Neste contexto de volta ao cole, poñer o foco nos dereitos da infancia segue sendo unha gran materia pendente”, indica Pilar Orenes, directora general de Educo:

“Se queremos vivir nunha sociedade que promova a xustiza social e que crea no poder transformador da educación, non podemos permitir que a fenda de desigualdades sexa cada vez máis profunda”

Desde 2016 o risco de pobreza ou exclusión da infancia nesta comunidade autónoma aumentou 7,5 puntos, e a sitúa, despois de moitos anos, por encima da media estatal, situada no 31,1% de nenas e nenos.

Se en 2016, o 27% estaba nesta situación, agora o están un de cada tres nenas e nenos.

No ano, 27.459 nenas e nenos máis viven en Galicia en situación de risco de pobreza, e xunto con Baleares e Cantabria é unha das comunidades autónomas nas que máis aumentou a pobreza e exclusión da infancia no último ano.

A infancia segue representando o colectivo máis prexudicado pola falta de acceso a recursos como unha alimentación adecuada ou poder desfrutar ao menos unha semana de vacacións fora de casa.

Cun 33,5%, a taxa de risco de pobreza ou exclusión social da infancia é de 7,8 puntos superior á da poboación en xeral, que é dun 25,7%.

No que respecta a carencia material da infancia, que mide aspectos como o de fogares con menores de 18 anos que non poden facer fronte a imprevistos, manter a vivenda a unha temperatura adecuada ou non poden comer carne, polo ou pescado cada dous días, en Galicia aumentou tamén no último ano pasando do 7,7% ao 14,9%

A porcentaxe de fogares onde viven nenos, nenas e adolescentes que non poden facer fronte a imprevistos (establecido en 650€ sen recorrer a créditos) pasou dun 25,4% a un 30,5%.

Igualmente subiron o número de fogares con nenas e nenos que presentan retrasos no pago de suministros básicos na vivenda principal, como aluguer, a hipoteca, a electricidade, o gas ou a comunidade, pasando dun 4,6% a un 8,4%.

 Así mesmo, un total de 105.131 fogares con menores de 18 anos teñen dificultades para chegar a fin de mes, 13.419 fogares máis que o ano pasado.

Educo forma parte da Plataforma de Organizacións de Infancia de Galicia, unha asociación conformada por 35 entidades da comunidade a favor do bo trato á infancia e adolescencia en Galicia, para protexer e promocionar os seus dereitos fundamentais.