A  Plataforma de Infancia de Galicia (POIG) reclama unha  presencialidade nas aulas segura xa que garante a equidade entre o alumnado

O martes 16 de marzo presentouse en Galicia o informe “Cole Seguro: a seguridade da educación en Galicia durante o primeiro trimestre do curso 2020/2021”.

Así na presentación participaron:

• pola plataforma nacional María Rodríguez, Especialista en Educación
• pola plataforma galega Xesús Vilas, presidente, e Mónica Viqueira, vicepresidenta e portavoz do grupo de incidencia política da POIG.

Engadir que o Goberno de España investiu 2.000 millóns de euros para a recuperación en materia de educación a través do fondo COVID-19. Galicia recibiu 591 millóns.

Por outro lado, o obxectivo deste informe foi:

• saber en que se investiu este diñeiro;
• que medidas leváronse a cabo nos centros educativos;
• e que percepción teñen os profesores, equipos directivos e familias das medidas aplicadas.

Destacar que o informe revela que a pandemia agravou as desigualdades, que seguen sen estar debidamente atendidas.

En Galicia, un 50% da poboación opina que non se tomaron medidas para que todos os nenos e nenas sigan coa súa educación.

Tamén unha de cada tres persoas considera que non se lles informou o suficiente sobre as medidas tomadas para reducir os riscos pola COVID-19 no seu centro educativo.

Ademais o 52% da poboación considera que a educación dixital nos centros educativos está a ser regular ou deficiente. O 45% dos representantes da comunidade educativa enquisados manifesta que facilitáronse equipos informáticos ao alumnado para a educación dixital, aínda que un 19% manifesta que foron insuficientes.

Outra das preocupacións atópase na saúde mental dos nenos, nenas e adolescentes galegos. O 82% da poboación considera que as medidas adoptadas para a adaptación á COVID-19 terán algún impacto negativo sobre a saúde mental e o benestar emocional da infancia e adolescencia en Galicia.

Por outra banda, as conclusións e recomendacións deste proxecto céntranse en cinco grandes áreas:

Equidade educativa

É preciso garantir a actividade presencia, a gratuidade na enseñanza e dar seguimiento e apoio ao alumnado máis vulnerable coa finalidade de paliar as desigualdades dos nenos, nenas e adolescentes.

Seguridade

Para a existencia dun Cole Seguro, é preciso que os centros educativos teñan acceso a equipos de hixiene e protección; é importante mellorar a cooperación entre administracións educativas.

Educación dixital

Débese totar de infraestruturas e dispositivos e capacitar para o seu uso a nenos, nenas, adolescentes e ao profesorado.

Saúde mental

É preciso a existencia dun Plan de atención á saúde mental e benestar emocional para paliar os posibles problemas mentais na infancia e adolescencia.

Transparencia

Débese ofrecer información pública clara, detallada e actualizada sobre os investimentos, facer a información accesible e ofrear a información de contratacións na Plataforma de Contratacións do Sector Público.

O proxecto Cole Seguro está impulsado pola Plataforma estatal de Infancia e  Political  Watch e contou en Galicia co asesoramento da Plataforma de Infancia de Galicia (POIG).

Para acceder ao informe completo aquí.

Para ver en diferida a presentación aquí.