Día da atención temperá: 5.000 crianzas reciben atención temperá en Galicia cada ano

O 16 de xuño conmemórase o Día da Atención Temperá por sexto ano consecutivo. Aínda que en 2023, no conxunto de España xa recibiron Atención Temperá case 130.000 nenos e nenas, aínda non alcanzamos o 10% da poboación de 0 a 6 anos que precisa ser atendida. 

A Atención Temperá fai referencia ao conxunto de medidas dirixidas á poboación infantil de 0 a 6 anos, á familia e ao entorno, que teñen como obxecto dar resposta o antes posible ás necesidades transitorios ou permanentes que presentan as nenas e nenos con trastornos no seu desenvolvemento ou que teñen risco de padecelos. 

Na actualidade ao redor de 5.000 crianzas reciben Atención Temperá en Galicia cada ano. O que ven a significar que un 50% da poboación infantil 0-6 que precisaría ese apoio. Hai desigualdades nos medios humanos e financieros postos a disposición das familias.

A Plataforma de Organizacións de Infancia de Galicia (POIG) demanda un plan de calidade guiado por criterios profesionais, que facilite un despregamento ordenado e con medios suficientes de todos os servizos necesarios para asegurar condicións axeitadas, igualdade e calidade na atención aos nenos e nenas e familias dos 313 concellos de Galicia.

As Redes de Atención Temperá precisan un mellor orzamento, planificación e dimensionamiento co obxectivo de facilitar un acceso equitativo e inmediato aos servizos, sen demoras nin listas de espera. En palabras de Mónica Viqueira, presidenta da Plataforma de Organizacións de Infancia de Galicia, “non hai investimento máis rendible no inmediato e a longo prazo que o que protexe a vida na primeira infancia.”