A Plataforma de Organizacións de Infancia de Galicia está a colaborar coa Fundación Márgenes y Vínculos para a realización dunha formación a profesionais de todos os ámbitos sobre «Detección e actuación integral ante a violencia sexual contra a infancia e adolescencia».
A mesma terá lugar o 28 de setembro en horario de 9:30 a 13:30 horas na sede da POIG: Rúa Belvís 2, Santiago de Compostela.
As temáticas a tratar serán as seguintes: 

• Módulo I: A LOPIVI como marco de referencia para a prevención, detección e protección.
• Módulo II: Violencia sexual na infancia e adolescencia.
• Módulo III: Pautas de actuación ante a sospeita de violencia sexual. Avanzando cara ao modelo Barnahus.

Inscrición de balde para todo o público interesado en asistir na seguinte ligazón: https://forms.office.com/e/gGBeHyuBYb

Para máis información, podedes contactar coa Plataforma de Organizacións de Infancia de Galicia no seguinte email: secretariatecnica@infanciagalicia.org

Sobre a POIG

A Plataforma de Organizacións de Infancia Galega fundada no ano 2018 agrupa a 36 organizacións que comparten o obxectivo de defender, promover e protexer os dereitos das nenas, nenos e adolescentes no territorio galego.