Para reivindicar as #MilMillónsdevoces cuxa educación viuse afectada pola covid-19

• Celébrase do 26 ao 30 de abril en máis de 124 países. En Galicia distintos centros educativos sumaranse as accións programadas.
• Baixo o lema “Mil millóns de voces”, promóvense accións de mobilización para reflexar o impacto da pandemia no dereito á educación de máis de mil millóns de persoas.
• Do mesmo modo, exixirase aos representantes políticos un compromiso para aumentar os fondos destinados á educación para que ninguén se quede atrás.

Onte arrancou a Semana de Acción Mundial pola Educación (SAME), que cada ano organiza a Campaña Mundial pola Educación (CME) liderada por as organizacións Ayuda en Acción, Educo, Entreculturas, Taller de Solidariedade e a Universidade de Santiago de Compostela para reclamar unha educación inclusiva, equitativa e de calidade.

Baixo o lema “Mil millones de voces”, esta edición pretende visibilizar como a COVID-19 está afectando a educación de máis de mil millóns de persoas e agravando a actual crise mundial de financiación da educación.

Se xa antes da COVID-19 había 258 millóns de nenos, nenas e adolescentes en todo o mundo sen escolarizar, a pandemia non fixo senón aumentar estas cifras, agravando a brecha social e de xénero. Calcúlase que, no momento máis cru da primeira ola, entre marzo e abril do 2020, o cerre de centros educativos afectou a case o 90% da poboación estudantil do mundo. Esto equivale a case 1.500 millóns de estudantes que se viron vulnerado o seu dereito á educación.

Financiación para asegurar o dereito á educación

Máis de un ano despois do inicio da pandemia, a situación continúa empeorando, sobre todo para as persoas e comunidades mais vulnerables do mundo. Mónica Viqueira Martínez, coordinadora da Campaña Mundial pola Educación en Galicia advirte que “estamos ante a crisis educativa máis urxente de tódolos tempos. Se non se toman medidas, a COVID-19 podería deixar fora das aulas a 24 millóns de estudantes máis”.

Para evitar que as peores previsións se cumpran, asegura Viqueira, “é fundamental que os gobernos coordinen unha resposta global baseada nunha adecuada financiación pública da educación. Non estamos ate un gasto, senón ante unha oportunidade de investir na mellor ferramenta para que ninguén se quede atrás fronte á COVID-19”.

Entre as súas reivindicacións ao Goberno español en materia educativa, a CME esixe ao executivo que cumpra o seu compromiso de incrementar a Axuda Oficial ao Desenvolvemento para chegar ao 0,5% da Renta Nacional Bruta en 2023 e seguir avanzando ata alcanzar o 0,7%, asignando un 20% de esta ás partidas de educación.

Semana Mundial pola Educación 2021: #MilMillónsdeVoces

A Semana de Acción Mundial pola Educación, momento chave da campaña, celébrase do 26 ao 30 de abril en máis de 124 países. A través de materiais de sensibilización e accións de mobilización, defenderá a importancia da educación para que ninguén se quede atrás na recuperación fronte a crise xerada pola COVID-19. Tamén poñerá o foco en esixir unha adecuada financiación que asegure o cumprimento do Obxectivo de Desenvolvemento Sostible 4 sobre o dereito á educación.

En Galicia, a coalición galega da CME está formada por Axuda en Acción, Educo, Entreculturas, Taller de Solidariedade e a Universidade de Santiago de Compostela quen están impulsando accións en varios ámbitos.

Elaboráranse murais das emocións en distintos centros educativos para representar as Mil Millóns de Voces que se mobilizan pola educación, impartiranse talleres de ciberactivismo para brindar a mocidade galega ferramentas para reivindicar o dereito á educación e celebraranse tres xornadas de educación para a cidadanía global nas tres universidades galegas de cara a semana próxima.

Así mesmo, as persoas interesadas tamén poden sumarse á mobilización online da campaña para difundila en redes sociais (#MilMillonesdeVoces) ou participar no concurso “Mil Millones de Voces por la Educación” do que encontrarán as súas bases nas RRSS da CME en Galicia

(FACEBOOK: @CMEGalicia, INSTAGRAM: @CME_Galicia, TWITTER: @CMEGalicia)